ХӨДӨӨ АЖ АХУЙН ЦАГ УУРЫН 2023 ОНЫ 08 ДУГААР САРЫН НЭГДҮГЭЭР АРАВ ХОНОГИЙН ТОЙМ

ХӨДӨӨ АЖ АХУЙН ЦАГ УУРЫН

2023 ОНЫ 08 ДУГААР САРЫН НЭГДҮГЭЭР

АРАВ ХОНОГИЙН ТОЙМ

Агаарын температур:  Манай аймгийн  хэмжээнд 8 дугаар сарын нэгдүгээр арав хоногийн агаарын дундаж температур ОЖДунджаар(1981-2010 оны дунджаар) Говийн бүс нутгаар 19.3°С-аас 20.7°С, бусад  нутгаар 15.1°С-аас 17.2°С градус дулаан байдаг. 2023 оны 8 дугаар сарын нэгдүгээр арав хоногийн агаарын дундаж температур говийн бүс нутгаар 21.5⁰С- аас 24.5⁰С, бусад нутгаар 17.4°С –аас 19.9°С градус дулаан байсан бөгөөд нийт нутгаар олон жилийн дунджаас 2.0⁰С-оос 4.6⁰С дулаан байлаа.                                              

Хур тунадас: Энэ арав хоногт нийт сумдын нутгаар бороо орсон. Нийт сумдын нутгаар 11-48мм тунадас орсон ба Төгрөг, Хархорин, Сант, Хужирт, Арвайхээр, Хайрхандулаан сумдын нутгаар 36-48мм орсон байна.

Салхи: Нийт нутгаар ихэнх хугацаанд 6-12м/сек, Хужирт, Төгрөг Хархорин, Баян-Өндөр, Баруунбаян-Улаан, Богд сумдын нутгаар салхины өрөвхийлөл 16-21 м/сек, хүрч салхилсан байна.

Бэлчээрийн ургамлын ургалтын байдал: Бэлчээрийн ургамлын ургалтын байдал ихэнх сумын нутгаар сайн Баян-Өндөр, Төгрөг, Богд, Уянга баруун болон өмнөд хэсэг, Нарийнтээл сумын хойд хэсэг, Гучин-Ус, Зүүнбаян-Улаан зүүн болон өмнөд хэсгээр ургамлын ургалт дунд зэрэг байна. Нийт нутгийн 90% орчимд зуншлагын байдал сайн, 10 орчим хувьд дунд зэрэг байна. 

Мал аж ахуйн үйлдвэрлэл:  Сааль сүү бэлдэх, хонины ноос хяргах, малд тарилга хийх, мал хөнгөлөх, мал ногоолуулах, отор нүүдэл хийх,  болон бусад ажлууд үргэлжлэн явагдаж байна.

УЦУОШТӨВ, ХААЦУ-ЫН САЛБАР

2023-08-11